Што треба да правите секој ден за вашето дете да се чувствува сакано

Сигурно не сакате вашите деца да ве паметат како нервозни, незаинтересирани, строги и хаотични родители кои никогаш немале време и трпеливост за нив.

Прашањето е како во светот што не ви остава премногу време за себе, да пронајдете доволно сила да се поврзете со вашите деца и да им го дадете вниманието што го заслужуваат? Времето минува брзо, и сè што ви е важно да завршите денес, без оглед дали се работи за работа или домашни активности, утре престанува да биде важно. Од друга страна, она што останува важно е начинот на кој вашите деца ве доживуваат. За да може вашето дете да се чувствува сакано, не ви требаат големи гестови, туку мали ситници што создаваат магија.

Секој ден кажувајте им колку ги сакате 

Не дозволувајте вашите деца да се прашуваат дали ја заслужуваат вашата љубов. Кажете им дека ги сакате секој ден и колку сте среќни што се дел од вашиот живот. Едноставни фрази како „Сакам да поминувам време со тебе“ или „толку многу радост ми внесуваш во животот“ можат да го подобрат денот на детето до неверојатни размери. Пред сè, тоа сака неговата мајка и татко да го сакаат.

Кажувајте им убави работи за вашите деца на другите луѓе

Нагласете ги нивните нови идеи, убави гестови, забавни моменти што ги имале. Ова во голема мера ќе влијае на нивната самодоверба и ќе ги натера да сфатат дека ги забележувате и го цените она што го прават.

Најдете време за нешто што го сакаат вашите деца

Секое дете има свои интереси и многу му значи кога ќе одвоите време за него. Колку и да изгледаат мали и неважни, тие им се важни, па затоа треба да бидат и за вас. Учествувајте со нив доколку е можно во активности што ги сакаат; замолете ги да ви прочитаат поема што ја напишале, играјте заедно со нивните омилени играчки.

Прашувајте ги што тие мислат за секојдневните работи

Ако само вие и вашиот партнер донесувате важни одлуки, детето многу брзо ќе се чувствува како излишен член на вашето семејство. Направете и тоа да се чувствува важно. Прашајте го што цвеќе да купите за во градината, каква торта би можеле да направите заедно, како и што би сакало да облече за претстојниот роденден.