Колку вежбањето е добро за меморијата?

Вежбањето може да го смени начинот на кој клучните делови од нашиот мозок комуницираат како што старееме, подобрувајќи ги аспектите на размислување и меморија – откри ново истражување.

Имено, неповрзаните делови од центарот за меморија на мозокот почнуваат да комуницираат на покомплексен и поздрав начин по редовно вежбање, изострувајќи ги мемориските функции.

Според The New York Times, овие откритија го прошируваат нашето разбирање за тоа како движењето го стимулира размислувањето и ја нагласува важноста од вклучување во различни активности што ни овозможуваат да останеме во движење, без оглед на нашата возраст.

Идејата дека физичката активност го подобрува здравјето на мозокот е веќе позната. Експериментите кои вклучуваат животни и луѓе покажуваат дека вежбањето ги зголемува невроните во мозокот, што е неопходно за создавање и зачувување на меморијата, истовремено подобрувајќи ги вештините за размислување.

Кај постарите луѓе, редовната физичка активност го забавува вообичаеното губење на волуменот на мозокот, што може да помогне да се спречи губење на меморијата поврзана со возраста и да се намали ризикот од деменција.