Што редовниот секс му прави на вашиот мозок?

Познато е дека сексот согорува вишок калории, го ублажува стресот и го подобрува расположението. Според едно истражување, сексот нè прави попаметни. 

Истражувачите забележале дека паровите кои имаат редовен секс решаваат разни ментални задачи многу полесно и побрзо.

Најдобри резултати имале паровите кои штотуку започнале врска, тие многу полесно ги решавале задачите. Откриено е дека постарите, сексуално активни парови имаат помал ризик од развој на деменција.

Редовниот секс го подобрува нашиот ментален капацитет и влијае на појава на нови нервни врски во областите одговорни за учење, меморија и будност.

Според експертите, причината е тоа што зголемената сексуална активност ги снабдува мозочните клетки со кислород, неопходен за исхрана на нервните клетки. На тој начин се стимулира работата на мозочните клетки.

Посебно било забележано позитивното влијание врз жените. За време на водењето љубов, нивото на хормонот окситоцин, кој уште се нарекува и хормон на среќата, значително се зголемува во женското тело. После тоа, тие се порелаксирани и нивниот мозок е подготвен за нови задачи.

Како заклучок, научниците наведуваат дека водењето љубов е одличен лек за спречување на опаѓање на менталните потенцијали и способности во подоцнежниот живот.