Третина од работниците во пижами, никогаш не сакаат да се вратат на работното место

Скоро третина од луѓето кои работат од дома на виртуелни состаноци се облечени во пижами, а секој десетти не го носат долниот дел, покажа анкетата на YouGov.

 

Резултатите покажуваат дека 42 проценти од оние кои работат од дома се „уморни од Zoom“, но само 14 проценти од нив сакаат да се вратат на работа со полно работно време кога ќе заврши пандемијата. Секој петти испитаник одговорил дека никогаш не сака да се врати.

 

Истражувањето е спроведено нешто повеќе од една година по првиот локдаун.

 

Во истражувањето учествувале 2027 работници кои работеле од дома. Скоро половина (45 проценти) сакале рамнотежа помеѓу работа од дома и работа во канцеларија или одење на работа помеѓу еден и три дена во неделата.

 

Како најчеста причина за тоа (51 процент), навеле избегнување на патувањето до работното место. Во 34 проценти од случаите, работниците сакале пофлексибилно работно време.

 

Дваесет проценти сакале да продолжат да работат од дома затоа што на тој начин можат да спијат подолго, а 15 проценти затоа што не мораат да носат формална облека.

 

Разговорот со колегите е она што најмногу им недостасува од животот во канцеларијата (43 проценти), а заситеноста од Zoom, 31 процент, е уште една причина да се вратат на работа.

 

Триесет проценти од испитаниците признале дека присуствувале на виртуелни состаноци во пижами, 25% имале онлајн шопинг, а 15% играле игри за време на состанокот.

 

– Истражувањата покажуваат дека работата никогаш нема да биде иста како пред пандемијата. Вработените бараат пофлексибилно и хибридно работно опкружување што ќе го задоволи новиот баланс помеѓу работата и животот, создаден со долгото работење од дома – објавија од YouGov.