Ролан Гарос се одлага за неколку дена?

Француската влада сериозно ја разгледува можноста за преместување на Ролан Гарос поради третиот бран на корона вирусот.

 

Претходните денови имаше извештаи дека вториот Грен слем во годината може да биде откажан или преместен на друг датум, но се чини дека нема да има драстични промени.

 

– Во тек се разговори со организаторите за сите модели, особено оние што се однесуваат на приемот на публиката. Засега се дискутира за одложување на почетокот за неколку дена – изјави за АФП портпарол на Министерството за спорт.

 

Неколку дена претходно, слична изјава даде и министерката за спорт на Франција, Роксана Марачинеану.

 

– Разговараме со Француската тениска федерација и организаторите на Ролан Гарос за да видиме дали е можно да се смени датумот што би се совпаднал со евентуалното враќање на публиката на главните спортски настани. Сите спортови се во таква позиција денес, ние се обидуваме да го ограничиме ризикот и ширењето на вирусот во професионалните спортови – изјави Марачинеану.

 

Да потсетиме, поради зголемувањето на бројот на заразени, Франција е во четиринеделен локдаун.

 

Ролан Гарос, според редовниот распоред, треба да започне на 23 мај и да трае до 6 јуни.