Корона вирусот го зголемува ризикот од смрт
Корона вирусот го зголемува ризикот од смрт во болница кај луѓето хоспитализирани од мозочен удар, покажа новото американско истражување.
Пациентите со Ковид-19 имаат поголема веројатност да имаат сериозен мозочен удар, како и нови за време на хоспитализација. Истражувачите проучувале скоро 42.000 пациенти кои пристигнале во 458 болници со мозочен удар предизвикан од блокада на артериите што го снабдуваат мозокот со крв.
Околу три проценти од овие пациенти биле позитивни на Ковид-19. Во просек, тие пристигнувале во болница брзо како и пациентите кои не заболеле од Ковид-19. После тоа, работите ќе се успореле кај заразените со корона вирусот.
„Веројатно поради потребата од употреба на опрема за лична заштита и други превентивни мерки спроведени од вработени во болницата, на пациентите со Ковид-19 им требаше повеќе време да добијат терапија за разбивање на згрутчувањето“, вели коавторот на студијата, др. Грег Фонаров од Универзитетот во Калифорнија, Лос Анџелес.
Студијата не може да докаже дека доцнењето во терапијата предизвикало полош исход кај пациентите со Ковид-19. Овие откритија сугерираат дека има потреба од натамошно зајакнување на протоколот за лица погодени од мозочен удар за да се обезбеди навремена дијагноза и навремен третман на лица со мозочен удар, со истовремена заштита на здравствениот персонал од изложеност на коронавирусот.
