Вакцинацијата против корона ги штити и невакцинираните во нивна близина

Новите податоци од Израел, каде напредуваше кампањата за вакцинација против коронавирусот со Pfizer, укажуваат на тоа дека имунизацијата на возрасните исто така ги штити невакцинираните лица кои живеат во нивна близина, особено децата.

Околу една третина од 1,95 милиони корисници на системот на здравствена заштита Maccabi Healthcare Services (MHS), над 16-годишна возраст, примиле барем една доза до 30 јануари.

Проучувајќи ја епидемиолошката состојба во 223 заедници, научниците забележале дека со зголемувањето на бројот на вакцинирани возрасни лица, стапката на инфекција кај невакцинираните корисници на системот MHS во истите заедници се намалил – особено кај децата.

МHS е втор по големина израелски здравствен систем.

– Иако забележаната заштита на невакцинирани лица, поврзана со вакцинирање кај возрасни, е охрабрувачка, потребни се дополнителни студии за да се утврди дали и како тоа ќе им помогне на изгледите за колективен имунитет и искоренување на болестa – велат научниците.