Од утре полициски час од 20 часот и затворање на угостителските објекти

Целосно затворање на угостителските објекти и полициски час од 20 до 5 часот, било предложено на денешната седница на Централниот кризен штаб. Ваквата одлука следува по зголемениот број на новозаразени и смртни случаи од ковид-19, како и преполнетоста на болничките капацитети и се очекува да биде изгласана на денешната седница на Владата. Предлогот на Централниот кризен штаб е овие мерки да почнат да важат од утре. Досега, угостителските објекти работеа до 21 часот, а полицискиот час почнуваше од 22 часот. Во ковид-центрите низ државата се лекуваат вкупно 1.720 пациенти, а од нив 699 се во Скопје, додека 1.021 во другите градови.