Најскапата маска против корона чини 1,5 милиони долари
Луксузниот бренд за накит Yvel, од Израел, е креаторот на најскапата маска за лице против коронавирус.
По завршувањето, 18-каратната маска за лице од бело злато ќе биде покриена со 3.600 бели и црни дијаманти, а може да биде опремена со премиум филтри N99.
Компанијата за накит објави дека изработката на оваа маска е нарачана од кинески бизнисмен кој живее во САД. За маската платил 1,5 милиони долари.
Дизајнерот и сопственик на Yvel, Isaac Levy, изјави дека човекот што ја нарачал маската имал три услови.
Дека мора да има филтри N99, да биде готова до крајот на годината и да биде најскапа.
„Лично, не би одел по улица со ваква маска. Мислам дека сите треба да носат иста вообичаена маска N95. Сепак, среќен сум што оваа маска ни даде доволно работа во многу предизвикувачки времиња, како што е случајот сега “, изјави Levy.
