Ибрахимовиќ останува уште една година во Милан

Според италијанските медиуми, остануваат само финеси пред Златан Ибрахимовиќ да го продолжи договорот со Милан.

Преговорите започнаа многу одамна, а сега тие завршија, пренесува „Скај Спорт“.

Епилог – Ибрахимовиќ ќе го продолжи договорот (кој истекува во јуни) за уште една година. И под исти услови.

Значи, иако во октомври ќе влезе во својата петта деценија, и понатаму ќе заработува 6.500.000 евра по сезона.

Покрај тоа, тој ќе добие 500.000 евра бонуси.

Оваа сезона, тој докажа дека може да игра на високо ниво затоа што постигна 15 гола на 16 натпревари во Серија А.

Но, многумина со право се прашуваат дали ќе може тоа да го повтори и следната, со полни 40 години.