(ВИДЕО) ЛАЈКА ГО ОДБЕЛЕЖА СВЕТСКИОТ ДЕН НА БЕЗДОМНИТЕ КУЧИЊА

По повод Светскиот ден на бездомните кучиња 4-ти Април, ЈП Лајка оваа недела организираше ОТВОРЕН ДЕН за вистинските љубители на кучиња кои пријавувајќи се на нашата електронска адреса volontiraj@lajka.com.mk имаа можност да уживаат, дружат, играат, да ги хранат и чешлаат кучињата во прифатилиштето на ЈП ЛАЈКА.  Им благодариме на сите што заедно со нас го одбележаа овој ден со својот волонтерски придонес, како и донирајќи храна за кучињата. 

Навистина не радува што ОТВОРЕНИТЕ ДЕНОВИ во Лајка видно придонесуваат во подигнување на свеста за подобрување на благосостојбата на бездомните кучиња.

На ОТВОРЕНИОТ ДЕН по повод Светскиот ден на бездомните животни во ЈП ЛАЈКА беа испочитувани сите протоколи и мерки пропишани за КОВИД-19.