Дали е поздраво да се јаде омлет, варено или јајце на око?

Кога станува збор за појадок, најчестиот избор за многумина се јајцата. Некои сакаат да ги подготвуваат на одреден начин, а некои сакаат да комбинираат и експериментираат со нови начини на подготовка. Полнети, тврдо варени, на око, омлет … Навистина има многу варијации во подготовката на оваа храна, но дали некогаш сте се запрашале дали постои начин кој е „најздрав“?

Експертите тврдат дека начинот на подготвување на јајцата може да влијае и на нивната хранлива вредност.

Прво, внимавајте на маслото што ќе го користите доколку ги подготвувате јајцата во тава. Користете ги оние масла кои се стабилни на повисоки температури. Домашна маст е исто така одличен избор.

Кога станува збор за јајцата, многумина ќе го споменат холестеролот како изговор да не ја консумираат почесто оваа храна, но она што треба да го знаеме е фактот дека ќе има губење на хранливи материи и зголемување на количината на оксидиран холестерол доколку го преварите или препржете јајцето.

Ако сте на диета или се обидувате да изгубите килограми, најдобра опција за вас е да ги варите јајцата. Додадете ги во салати и зеленчук. Ако сепак сакате да ги подготвувате како омлет, комбинирајте ги со варен зеленчук.