Четири едноставни трикови да внесувате 500 калории помалку секој ден

Ако сакате да изгубите вишок килограми, веројатно првата ваша одлука е да јадете помалку. Иако звучи како лесна задача, обично е тешко да се направи.

 

За почетниците, да изгубите половина килограм, треба да создадете дефицит од 3500 калории. Затоа се препорачува да се консумираат 500 калории помалку дневно бидејќи, според експертите од клиниката Мајо, тоа е единствениот безбеден и одржлив начин за слабеење. Но, како да се постигне ова? Покрај тоа што можете да вежбате повеќе, можете да направите промени во вашата исхрана. Најдобро е двете.

 

Еве едноставни трикови кои ќе ви помогнат да ја регулирате вашата исхрана:

 

Наместо засладени пијалоци, пијте минерална или ароматизирана вода

 

Ако пиете 2,5 децилитри сок од портокал и половина литар газиран сок на ден, сте внеле приближно 508 калории. Наместо тоа, изберете минерална вода или додадете парче портокал или лимон во обична вода за да добиете вкус.

 

Заменете ги маринираните пилешки крилца со бело месо

 

Со овој едноставен трик, можете да внесете скоро 600 калории помалку. Имено, само осум пилешки крилца во маринада можат да имаат повеќе од 800 калории.

 

Гответе дома наместо да нарачувате храна

 

Така, со три оброци на ден можете да внесете до 580 калории помалку. Имено, една студија објавена во јули 2014 година во списанието Public Health Nutrition покажа дека кога луѓето готват дома, тие трошат скоро 200 калории помалку за време на секој оброк.

 

Избегнувајте леб со путер и зачини

 

Иако е неверојатно вкусно, можете да консумирате до 1000 калории со грицкање на овој леб и нема да се чувствувате сити. Наместо тоа, јадете супа од зеленчук, што е многу поздраво предјадење, а содржи и помалку калории, советува Livestrong.