Салах прокоментира за напуштањето на Ливерпул

Фудбалерот на Ливерпул, Мохамед Салах изјави дека не одлучува за можно заминување од клубот во летниот преоден рок.

Салах оваа сезона постигна 17 голови во Премиер лигата, но во сезоната во која ја брани титулата, тимот не постигна добри резултати, по 29 одиграни кола е седми на табелата со 25 бода заостанување зад водечкиот Манчестер Сити и ги чека голема борба за пласман во Лигата на шампионите.

“Не е на мене да одлучам (дали ќе останам). Ќе видиме што ќе се случи, но не би сакал да зборувам за тоа сега”, изјави Салах за шпанска Марка.

Британските медиуми шпекулираат дека Салах не е во добри односи со тренерот Јирген Клоп.

“Тоа е нормална врска помеѓу двајца професионалци. Така би го опишал тоа”, додаде египетскиот фудбалер.

Салах изјави дека би сакал да игра во Шпанија за време на неговата кариера.

“Се надевам дека ќе играм уште многу години. Зошто да не? Никој не знае што ќе се случи во иднина … Можеби еден ден ќе играм во Шпанија”, изјави Салах.