Дали прекумерната желба за совршено селфи е ментално нарушување?

Многу научници одлучија да направат анализа на феноменот СЕЛФИ, а некои од нив го поврзаа овој модерен тренд со ментално растројство.

Д-р Дејвид Вил, психијатар, изјави дека две од три лица со кои работел, кои страдаат од физичка дисморфија, чувствуваат силна постојана потреба да направат „селфи“, односно да се фотографираат и да го објават ова на социјалните мрежи .

Дени Баумен е првата личност во Велика Британија на која лекарите му дале дијагноза зависник од селфи. Овој случај беше толку екстремен, што Дени станал депресивен затоа што не успеал да направи совршено „селфи“ дури и по 10 часа обид да го стори тоа. Во тоа време, Дени имал 19 години. Го напуштил училиштето, и не сакал да ја напушти куќата половина година. Секој ден го започнувал така што се фотографирал 10 пати, дури и пред да стане од кревет. Не успеал да ја постигне целта, односно да направи совршена фотографија од себе, иако тоа се обидувал да го прави неколку стотици пати секој ден, по што решил да си го одземе животот. За среќа, неговата мајка го спречила во тоа. Оттогаш, тој бил во болница во Лондон, на третман за присилно однесување, како и опсесивно-компулсивно нарушување и нарушувања на дисморфијата на телото.

Со зајакнувањето на влијанието на социјалните мрежи врз животот на луѓето, бројот на луѓе кои бараат стручна помош за да ја излечат зависноста од Фејсбук, Твитер, Инстаграм се зголемува секој ден.

Научниците тврдат дека демонстрацијата на нарцизам на Интернет е потсвесен начин за едно лице да ја подобри самодовербата. Ова станува уште поголем проблем затоа што луѓето се поддржуваат едни со други на социјалните мрежи, создавајќи чувство едни на други дека ја прават вистинската работа. Дигиталното време донесува со себе многу повеќе негативни работи отколку што мислевме.