Вакцинираните со „Фајзер“ кои прележале Ковид имаат шест пати посилна заштита од оние кои не се заразиле

Само една доза од вакцината Фајзер предизвикува имунолошки одговор сличен на оној генериран од организмот по инфекцијата и обезбедува заштита од различни видови на вирусот кај луѓето кои заболеле од Ковид-19, покажуваат резултатите од студијата објавена во Велика Британија.

Студијата вклучува 237 лица и открива дека оние кои веќе прележале Ковид-19 имале посилен имунолошки одговор на Т-клетките на вирусот, дури шест пати посилен од оние кои не биле заразени, пренесува Ројтерс.

Авторот на студијата, д-р Тишан де Силва од Универзитетот во Шефилд, изјави дека кај оние кои прележале Ковид-19, одговорот на инфекцијата е ефикасен во случај на мутирани, нови видови на коронавирус, како што е оној од Јужна Африка.