Астразенека: 76 проценти ефикасна

Од Астразенека објавија дека нивната вакцина против Ковид-19 е 76 % ефикасна во спречување на симптоматските форми на болеста, според новата анализа на главната студија во САД, што е малку пониска од нивата објавена претходно оваа недела во извештајот критикуван за употреба на застарени информации.

Американските здравствени власти јавно му замерија на производителот на лекови дека не ги користи најновите информации кога во понеделникот објави привремена анализа во која се наведува дека вакцината е ефикасна 79 %, потсетува Ројтерс.

„Примарната анализа е во согласност со нашата претходно објавена привремена анализа и потврдува дека нашата вакцина против Ковид-19 е многу ефикасна кај возрасните, вклучително и кај оние над 65 години“, изјави Мене Пангалоса, извршен потпретседател на Астразенека.

Тој најави дека компанијата ќе достави регулаторно барање за одобрување за итна употреба во САД и ќе се подготви за испорака на милиони дози низ Америка “.