Синот на Vin Diesel ќе се појави во „Fast and Furious 9“
Десетгодишниот син на Vin Diesel, Vincent Sinclair ќе се појави во филмот „Fast and Furious 9“ како помлада верзија на ликот на Diesel, Dominic Tpretto.
Синот на славниот актер ги сними своите сцени во текот на 2019 година, пренесува „Variety“. Пред Vincent, Alex McGee ја играше помлада верзија на Dominic.
Снимањето на деветтото продолжение на „Fast and Furious“ започна во јуни 2019 година, а заврши во ноември таа година.
Иако премиерата беше закажана за минатото лето, студиото Universal го премести датумот на излегување поради пандемијата на коронавирусот прво на 2 април 2021 година, а потоа на 28 мај, а најновиот датум е 25 јуни.
„Fast and Furious 9“ ја продолжува приказната од осмиот дел од франшизата што беше објавена во 2017 година.
Во ова ново поглавје, Dom Toretto ќе се соочи со неговиот помлад брат Jakob и со убиецот кој ја подготвува својата одмазда.
Во филмот играат уште: John Cena, Charlize Theron, Michelle Rodriguez, Tyrese Gibson, Chris Ludacris Bridges, Jordana Brewster, Nathalie Emmanuel, Sung Kang и Helen Mirren.
