На интернет можете да купите вакцини против корона и ковид пасоши „под рака“

Вакцини против коронавирус, ковид пасоши и лажни негативни тестови се продаваат на „dark web“.

Цената за доза вакцини AstraZeneca, Sputnik V, Sinofarm и Johnson & Johnson се движи помеѓу 500 и 750 долари, додека лажните сертификати за вакцинација се продаваат за 150 долари, пренесува BBC.

Истражувачите од „Check Point“, кои ќи небљудувале хакерските форуми и други продажни места од појавувањето на вакцините во јануари, велат дека забележале големо зголемување на бројот на реклами поврзани со вакцините.

Тие тврдат дека бројот на рекламите е тројно зголемен и дека сега има повеќе од 1.200. Продавачи на вакцини има во САД, Шпанија, Германија, Франција и Русија, а истражувачите откриле дека рекламите биле објавени на руски и англиски јазик.

Еден продавач ветува испорака за само еден ден, а некои за купување на два негативни теста, третиот го даваат бесплатно.