Општина Ѓорче Петров – службите работеа на расчистување на снегот на сите високи зони во Ѓорче Петров

Во текот на ноќта општинските служби работеа на расчистување на снегот на сите високи зони во Ѓорче Петров. Се чистеше по главниот пат кој води кон Кучково, по патот кон Орман и кон Никиштани.

Со помош на механизација исчистен е и надвозникот во Даме Груев кој е критична точка по интензивни снежни врнежи како вчерашните.  Истурени се вкупно 12 тони сол на сите места.

Поради влажноста и тежината на снегот, на повеќе локации во општината има скршени гранки и оштетени дрвја. Комуналната служба во текот на денот го расчистува теренот, а се работи и на ослободување на тротоарите.

Досега не се пријавени материјални штети. Сите патишта низ Ѓорче Петров се проодни.