“Млади во криза 0.2“ Ефекти од пандемијата врз младите и препораки до институциите

Младински образовен форум со задоволство Ве поканува на презентацијата на наодите од  документот “Млади во криза 0.2“ – Ефекти од пандемијата врз младите и препораки до  институциите која ќе се одржи на 23.03.2021 година (вторник) со почеток од 12:00 часот во  просториите на Агенцијата за млади и спорт. 

На настанот ќе се презентираат клучните наоди од документот во врска со ефектите од пандемијата  врз младите и ќе се презентираат препораките до институциите со цел превенирање односно  намалување на штетите и последиците од пандемијата врз младите.  

На настанот ќе се обратат: 

– Теодора Столевска (Младински образовен форум) 

– Блажен Малески (Реактор – Истражување во акција) и 

– Виктор Стојкоски (Здружение за истражување и анализи – ЗМАИ)  

Овој документ како и реализацијата на средбите со младинските организации – членки на  иницијативата „Млади во криза“ – “ – ХЕРА, Центар за интеркултурен дијалог (ЦИД), Сојузот на  извидници, Младински сојуз – Крушево, Еквалис, Писхотерапика, ХОПС, Националниот младински  сојуз на Македонија, ЕКВАЛИС, Хелсиншкиот комитет за човекови права и АРНО – беа направени  под фасилитација на Младински образовен форум (МОФ), во соработка со Реактор – Истражување  во акција и Здружение за истражување и анализи (ЗМАИ). 

Процесот на креирање на документот и анализите беше поддржан од Фондацијата за демократија  на Вестминстер преку Иницијативата за демократија на Западен Балкан  

Младински образовен форум