Истражувањата во Вухан покажаа дека после прележан ковид, луѓето 6 месеци чувствуваат проблеми

Една нова кинеска студија тврди дека многу хоспитализирани пациенти се чувствувале уморни и имале проблеми со спиењето шест месеци по отпуштањето од болница.

Истражувањето е спроведено на повеќе од 1.700 лица лекувани во Вухан. Резултатите покажале дека 76 проценти од нив страдале од барем еден симптом неколку месеци по прележувањето Ковид. Исто така е посочено дека дури и луѓето кои успешно се опоравуваат од инфекцијата може да имаат долгорочни здравствени последици. Тоа е најголемата студија досега објавена во медицинското списание „Лансет“.

Заклучокот е дека заморот и проблеми со спиењето се најчестите симптоми по болнички лекуваниот ковид и дека тие се јавуваат кај 23 проценти од пациентите шест месеци по нивната првична дијагноза.