Пред точно година дена, со емитувањето на дотогаш необјавениот легендарен настап на групата „Феитлес“ (Faithless) на главната бина на фестивалот, на 19 март 2020 година, лансирана беше специјалната онлајн програма на Егзит – „ЕГЗИТ ТВ“, чија цел беше со снимките од бројните настапи на Тврдината, да се олесни примораноста на сите, а пред сѐ на младите да останат дома за време на вонредната состојба. Тогаш ретко кој би кажал дека една година подоцна сѐ уште ќе постои истата потребата за поддршка на менталното здравје на младите, кои се најмногу погодени од ускратената можност за дружење на концертите и фестивалите, кои пак за голем дел од нив претставуваат и составен дел од идентитетот. Во име на таа цел, а во пресрет на големата прослава за 20 години на Фестивалот, која е најавена дека ќе се одржи на Петроварадинската тврдина од 8 до 11 јули, Егзит лансира нова серија премиерни емитувања на настапите кои ја одбележаа историјата на најголемиот и најодликуван фестивал во регионов кој веќе е втемелен и како еден од водечките светски фестивали.

Првиот настап во новата сезона, во сабота 27 март ќе ѝ припадне на соул-дивата со неверојатни вокални способности Емели Санде (Emeli Sande), чие отворање на Егзит во 2015 година на многумина им остана во сеќавање како еден од најемотивните настапи во фестивалската историја. Веќе следната сабота пристигнува настапот на британскиот драм-енд-бејс состав „Бед Компани УК“ (Bad Company UK) од 2017 година на главната бина, додека 10 април нѐ води на Денс Арената во 2018 година, преку емитувањето на специјалниот бек-ту-бек сет на најпознатиот брачен пар во електронската музика Адам Бејер и Ида Енгберг (Adam Beyer, Ida Engberg). Настапот на Скрилекс (Skrillex) од 2014 година, кој е планиран за 17 април, ќе ги потсети сите гледачи зошто овој млад музичар несомнено важи за една од најголемите светски ѕвезди. И сѐ уште низ светските музички кругови кружи славната приказна за тоа како овој изведувач, воодушевен од атмосферата на Егзит по неговиот настап го откажа чартер-летот и со целиот тим одлучи да остане уште неколку дена на фестивалот, посетувајќи ги различните бини и дури ненадејно настапувајќи на некои од нив. Конечно, 24 април е резервиран за емитување на настапот на хип-хоп ѕвездата Френч Монтана (French Montana) . Емитувањето на сите настапи ќе се одржува во редовниот неделен термин, сабота од 20:21.

По првата година од емитувањето, бројчаникот на „ЕГЗИТ ТВ“, кој може да се следи на „ЈуТјуб“ каналот и „Фејсбук“ страницата на Егзит, покажува десетици милиони прегледувања на програмата, која во стотина дена емитување и со преку 130 стримови донесе околу 150 часа одлична програма. „Лајф Стрим“, „ИнфинитИКС“, „Новогодишен специјал“, „Коншес револушн“, „ЕГЗИТ ХоумСтрим“ и „Си Стар Стрим Фестивал“ се само дел од ексклузивните содржини реализирани како низ годините на Егзитовите фестивали, така и во последниве 12 месеци.

EXIT 20 Years Highlights Volume 3 | ONE YEAR WITH EXIT TV

Големата прослава на 20-годишнината на ЕГЗИТ фестивал ќе се одржи од 8 до 11 јули 2021 на Петроварадинската тврдина, а своите настапи веќе ги потврдија некои од најголемите светски и регионални имиња, како што се Дејвид Гета, Диџеј Снејк, Пол Калкбренер, Тајга, Ерик Приц б2б Фоур Тет, Нина Кравиц, Борис Брејча, Шек Вес, Соломун, Пол ван Дајк, Сепултура, Метрономи, Дакс Џеј, Лајбах и многу други.