Креаторот на првата вакцина против корона има нова цел – лек против рак

Научникот кој победи на трката за откривање на првата вакцина против коронавирусот изјави дека луѓето можат да бидат сигурни дека вакцината е безбедна и дека технологијата што стои зад неа наскоро ќе се користи за борба против друга глобална чума – рак.

Пред истражувањето на Ковид-19, научникот Озлем Туречи, која заедно со нејзиниот сопруг ја основаше германската компанија BioNTech ја проучувала способноста на човечкото тело да се одбрани од бактерии и вируси, обидувајќи се да се бори против ракот со имунотерапија која стимулира механизми за само-лекување сопствената „внатрешна движечка сила“ на телото за да ги направат малигните тумори безопасни.

Истражувањето и искуството на оваа двојка во областа на mRNA им помогна да ја развијат вакцината Biontek-Pfizer за невообичаено краток временски период, помалку од една година, што стана првата вакцина против Ковид-19 достапна во светот, откако во ноември 2020 година во САД добија дозвола за употреба.

Германскиот претседател Франк-Валтер Штајнмаер го награди овој пар со највисоко одликување во таа земја – Орден за заслуги – за време на церемонијата на која присуствуваше канцеларката Ангела Меркел.

„Започнавте со лек за лекување на рак кај луѓето, а денес имаме вакцина за целото човештво”, изјави  Штајнмаер.