Што се случува со нашиот мозок кога чуваме тајна

Сите чуваме тајни во текот на нашите животи. Некои може да останат скриени од другите со години, додека други „летаат“ во еден момент. Сè на сè, тајните не се лесни за чување, колку и да се трудиме.

Ова е поткрепено со резултатите од студијата објавена во списанието PsycNET, која тврди дека чувањето тајни не е добро ниту за менталното здравје. Сокривањето на тајните доведува до зголемување на вознемиреноста кај луѓето и претставува исцрпувачко искуство за умот.

Тим научници од Универзитетот Колумбија спроведоа студија на примерок од 600 учесници и откриле дека 96 проценти од нив во тоа време имале тајна, која главно била од љубовна природа.

Учесниците биле запрашани колку пати, во последниот месец, биле принудени да сокријат една тајна и колку често размислуваат за тоа.

Оние кои често размислувале за тоа, биле двојно повеќе од оние кои не биле. Токму ова размислување е причината која предизвикува најголема штета. Ист резултат даде и истражувањето спроведено меѓу туристи во Њујорк.

Ова покажува дека самата природа на содржината на тајната што се чува не е причина за проблемот, туку како состојбата на умот се поврзува со информациите што влијаат врз неа.

Научниците заклучиле дека размислувањето на луѓето за тајните може да послужи како основа за понатамошно истражување на оваа тема, со желба да се најде начин да им се помогне на луѓето и полесно да се справат со тајните во иднина.