Прво во светот: Родено е бебе со антитела на коронавирус

Жена од Флорида, според лекарите, го роди првото бебе во светот што има антитела на коронавирусот.

Имено, како што пишува Индипендент, оваа жена била бремена примила една доза вакцина против коронавирусот, а според лекарите, нејзиното дете веќе има антитела.

Во случајот за кој експертите велат дека може да има значителни импликации во напорите за борба против пандемијата, објавено е дека жената била вакцинирана со вакцината Модерна во 36-та недела од бременоста.

Таа се породила три недели подоцна, кога родила здраво девојче. Во јануари од девојчето бил земен примерок од крв и бил направен ДНК тест.

„Тестиравме за да видиме дали антителата на мајката се пренесени на бебето по вакцинирањето“, изјави педијатарот д-р Пол Гилберт, додавајќи:

„Според наши сознанија, ова е првото бебе во светот што се роди со антитела по вакцинацијата”.