Рускиот лек Мир-19 пред втората фаза на тестирање

Руската Федерална медицинско-биолошка агенција се надева дека нејзиниот лек против коронавирусот „Мир-19“ ќе биде регистриран оваа година, изјави директорот на Институтот за имунологија при таа агенција, Муса Хаитов.

Хаитов, кој е член на Руската академија на науките, изјави дека ефикасноста на лекот ќе се изучува во текот на втората фаза од испитувањето, но посочи дека е тешко да се каже кога ќе заврши испитувањето.

“Ние ќе вложиме максимални напори да започнеме со втората фаза што е можно поскоро, и постојат сите предуслови за тоа, бидејќи лекот се покажа како многу ефикасен за време на претклиничката фаза. Ние ќе го регистрираме веднаш штом ќе заврши втората фаза, a се надевам тоа ќе биде оваа година“, нагласи Хаитов.