Објавени номинациите за Златна малина: Кои се најлошите актери во 2020 година?

Објавени се номинациите за наградата Златна малина, која се доделува за најлоши кинематографски достигнувања, а оваа година со по 6 номинации водат полскиот еротски филм „365 Days“ и американскиот „Dolittle“.

 

Наградите Златна малина е своевидна пародија на Оскарите организирана од Академијата за филмски уметности и науки, а церемонијата оваа година ќе се одржи на 24 април.

 

Некои од актерите кои се најдоа меѓу номинираните за најлоши остварувања оваа година се Robert Downey Jr., Adam Sandler, Anne Hathaway, Katie Holmes и Kate Hudson.

 

Меѓу номинираните филмови се најдоа „365 Days“, „Dolittle“, „Absolute Proof“, „Fantasy Island “ и „Music“.

 

Филмот „365 Days“ по објавувањето на Нетфликс на 7 јуни брзо го привлече светското внимание и стана еден од најгледаните филмови. Сепак, покрај огромната популарност, филмот доби и голем број негативни критики поради сцените на сексуално насилство.

 

Тој беше оценет со 3,2 од 10 на IMDb, па затоа не е изненадувачки што e номиниран за најлош во 6 категории.

 

„Dolittle“ е римејк на оригиналната серија „Doctor Dolittle“ од 1967 година, а покрај тоа што е номиниран за најлош филм, Robert Downey Jr. кој ја игра главната улога во филмот e номиниран за најлош актер.

 

Anne Hathaway e номинирана за најлоша актерка во филмовите „The Last Thing He Wanted“ и „The Witches“.

 

Оваа година, наградата Златна малина има посебна категорија во чест на 2020 година, која ја доби наградата за „Најлошата календарска година досега!“.