Модерна тестира нови вакцини: Можеби една доза ќе биде доволна

Американската компанија Модерна објави дека е вакциниран првиот учесник во раната фаза на проучување на нова потенцијална вакцина против Ковид-19, која потенцијално може да се чува и да се испраќа во фрижидери наместо во замрзнувачи.

Од компанијата изјавија дека нивниот нов кандидат може да ја олесни дистрибуцијата, особено во земјите во развој каде што проблемите со синџирот на снабдување може да ги попречат кампањите за вакцинација, пренесува Ројтерс.

Студијата во раната фаза ќе ја процени безбедноста и имуногеноста на вакцината од следната генерација, означена како mRNA-1283, во три нивоа на доза и ќе им се дава на здрави возрасни лица во единечна доза или во две дози во период од 28 дена, велат од компанијата.

Модерна, исто така, планира да ја процени ефикасноста на новата вакцина, mRNA-1283, како потенцијална втора доза во идните студии.