Зошто не треба да го полните мобилниот телефон преку ноќ?

Трајноста на батеријата на мобилниот телефон е важна ставка за многумина при купување нов уред, но нешто што многу луѓе го прават има ефект на значително намалување на таа издржливост со текот на времето.

Ако го оставите вашиот мобилен телефон на полначот пред спиење за да имате полна батерија наутро, би било добро да престанете да го правите тоа.

Имено, USA Today провери што велат трите големи производители, Apple, Samsung и Huawei за тоа, и сите се согласија дека не треба да го полните вашиот мобилен телефон преку ноќ.

Apple и Samsung наведуваат дека не е добро батеријата да биде на полнач подолго време, а од Huawei сметаат дека оптималното полнење на батеријата треба да биде помеѓу 30 и 70 проценти.

Експертите советуваат дека е најдобро да ја полните батеријата пред да одите во кревет, наместо да ја оставате на полнач преку ноќ, без да мора целосно да ја полните батеријата.