Алкохолот е опасен пред и по вакцинирањето против ковид

Алкохолот, како што предупредуваат британските експерти, а пренесува Daily Mail, може да го намали имунолошкиот одговор на организмот на вакцината против Ковид-19. Алкохолот го менува составот на милијарди микроорганизми кои живеат во цревата, а играат значајна улога во спречувањето на инвазијата на бактерии и вируси.

„Алкохолот ги оштетува имуните клетки во крвта”

Консумирањето алкохол резултира оштетување на имуните клетки во крвта, вклучително и лимфоцити, чија главна улога е да го штитат организмот од бактерии, вируси, габи и паразити, како и од туѓи тела кои минуваат низ природните бариери на кожата и слузокожата.