3 одговори на прашањето: “Дали парите можат да купат среќа?”
Можеби нема еден одговор на прашањето „Дали парите можат да купат среќа?“, но има патокази што можат да не одведат до вистинските мисли …
„Чудно е колку малку е потребно за да бидеме среќни, а уште почудно е колку често баш тоа малку ни недостасува!
Според резултатите од новата истражувачка студија, подобрувањето на материјалната состојба не ни помага да бидеме среќни. Истражувачите од британскиот универзитет во Колумбија и универзитетот во Мичиген, пак, дошле до еден интересен факт: „Иако парите не можат да не направат среќни, тие можат да ја намалат тагата“. Елизабет Дан, Костадин Кушлев и Ричард Лукас објаснуваат дека подобрата финансиска состојба го олеснува изборот на работи што можеме да ги направиме за лично задоволство. Токму затоа побогатите луѓе се чувствуваат помоќни.
Дали има смисла да се следат парите како патоказ во потрага по среќа?
1.Парите влијаат на чувството на одредени видови среќа
Среќата што се раѓа како производ на парите, односно материјалните работи, може да се опише како краткотрајна. Гореспоменатото истражување го опиша ова чувство на среќа како „недостаток на тага”. Општо, благодарение на парите ќе бидете задоволни со вашиот живот на глобално ниво. Исто така, парите ја ублажуваат болката и неуспесите.
- Ако парите не можат да купат среќа, тогаш среќата може да привлече пари
Иако сме свесни за фактот дека парите и среќата се во некаква врска, не можеме да тврдиме дека тие се причинско-последично поврзани. Сепак, иако недостатокот на пари не прави да се чувствуваме тажни, тагата нè тера да се обидуваме помалку да ја подобриме финансиската состојба.
- Можеме да контролираме колку парите влијаат на нашата среќа
Ќе бидете посреќни кога ќе потрошите пари на други луѓе. Сепак, ќе бидете уште посреќни ако своето време го вложите во односите од каква било емотивна природа, отколку во парите.
