Спутник V се покажа подеднакво ефикасен во сите возрасни групи: Трае повеќе од две години

Александар Гинсбург, директор на Рускиот национален истражувачки центар за епидемиологија и микробиологија „Гамалеја“, изјави дека Спутник V, вакцината против Ковид-19 развиена од тој центар, покажала исто ниво на ефикасност кај сите возрасни групи.

“Спутник V покажа исто ниво на ефикасност кај сите возрасни групи. Првично, постоеше сомневање дека вакцината може да биде помалку ефикасна кај луѓето постари од 60 години, бидејќи нивниот имунолошки систем е помалку активен и може да произведе послаб имунолошки одговор. Но, ништо од ова не  е потврдено и нашата вакцина добро делува и на луѓето на возраст од 60, 70 и 80 години “, изјави Гинсбург.

Според него, сите вакцинирани лица покажале добар имунолошки одговор и висока подносливост на вакцината, а нејзиниот ефект може да трае повеќе од две години.

Масовната вакцинација на возрасната популација против новиот коронавирус во Русија започна на 18 јануари и секој може да се имунизира бесплатно со една од двете регистрирани вакцини „Спутник V“ или „ЕпиВакКорона“.