Мобилните телефони го уништуваат нашиот живот
Колку би била поразлична вашата врска без мобилни телефони? Колку често седите со вашиот партнер, а не го тргнувате погледите од екранот? Зошто е сè поинтересно од него или неа?
Бројни студии покажуваат дека мобилниот телефон е првото и последното нешто што го гледаме во текот на денот. Наутро, сите се будиме со мобилен телефон, додека пред спиење го ставаме на полначот и го оставаме до утрото. Во исто време, истражувањата покажауваа дека луѓето биле многу посреќни кога се буделе со будилник. Телефоните веќе долго време не се само средство за комуникација, туку се дел во многу аспекти од животот. Предностите и можностите на телефонот се неверојатни, но колку и да не поврзуваат со најблиските, тие исто така не отуѓуваат едни од други.
Нашите дигитални животи лошо влијаат на реалноста!
Прашањето што се поставува е – кога интернетот почнува да ја менува динамиката на врската во која се наоѓаме? Социјалните мрежи не само што не одалечуваат од нашите партнери, туку честопати нè прават љубоморни. Која е личноста на која му ја лајкнува сликата? Со кого се допишува? За што зборуваат? Што гледа сега на интернет? Довербата се повеќе се доведува во прашање, а една од главните причини е неизвесноста и љубомората. Исто така, еден од вообичаените проблеми во љубовните врски е постојаниот порив да се „натпреварувате“ со телефонот – кој ќе добие повеќе внимание и поголема наклонетост од партнерите… Сепак, постојат неколку работи што можете да ги направите за да останете „онлајн“ без да ја нарушите врската со вашиот партнер. Размислете колку време поминувате со телефонот во ваши раце. Направите ограничување. Многу телефони сега имаат можност да ограничат колку долго ќе користите одредени апликации во текот на денот. Размислете внимателно и внесете го времето при подесувањето. Ако го надминете дневното ограничување, веднаш оставете го телефонот.
Бидете посебно внимателни ако неодамна сте започнале врска. Во периодот кога допрва треба да градите врска со партнерот, не е пожелно да обрнувате повеќе внимание на социјалните мрежи. Ова може да биде проблем, особено ако сте биле сингл подолго време. Разбирливо е дека сте навикнати на мобилен телефон… Сепак, тргнете го, затоа што пропуштате драгоцени моменти. Размислете двапати пред да коментирате или објавите нешто. Дали вашиот коментар ќе влијае на врската и каква реакција може да предизвика кај вашиот партнер? Немојте себе и својата врска да ја доведете во непријатна ситуација. Вашиот партнер секогаш имајте го на ум. Не дозволувајте технологијата да се меша во вашата врска и градете ја на цврста, а не на интернет основа. Современото време бара постојана адаптација, но не само на технологијата, туку и на луѓето врз кои влијае технолошкиот напредок. Социјалните мрежи сè повеќе ги оддалечуваат луѓето. Вашата врска е реалност. Посветете и се.
