Дали имате многу пријатели на Фејсбук? Пазете се од овие болести

Да имате стотици пријатели на Фејсбук може да доведе до тоа да станете популарни, но и болни.

Имено, истражувачите во Колорадо откриле дека луѓето кои имаат повеќе пријатели на Фејсбук имаат послабо здравје и се подложни на инфекции на горниот респираторен тракт.

Ризикот од инфекција е поголем кај луѓето кои се анксиозни, токму поради Фејзбук. Ова може да значи дека тие се загрижени затоа што некој не одговорил на нивниот коментар или порака или ако не го прифатиле нивното барање за пријателство.

– Корисниците кои страдаат од ваков вид на анксиозност се најавуваат на Фејсбук неколку пати на ден. Анксиозноста е поврзана со опаѓање на имунитетот и послабо здравје – тврди студија во која студенти одговарале на прашања за нивното здравје и навиките на Фејсбук.

Авторот на студијата, Џеј П.Камписи, зборува за употребата на Фејсбук и времето поминато на оваа социјална мрежа, како и за нејзиното влијание.

„Ако сакате да се чувствувате помалку осамени или посреќни и поздрави, гледањето во вашиот мобилен телефон или компјутер не е вистинскиот начин“, изјави Џеј П.Камписи.

Имено, претходното истражување потврди дека колку подолго сте на Фејсбук, толку полошо ќе се чувствувате затоа што ви се чини дека животот на другите е подобар од вашиот.

Сепак, во споредба со сурфањето на Интернет, Фејсбук е обележан како помалку значаен, помалку корисен и како поголемо губење време, што доведува до полошо расположение.