Време е за пролетно чистење на домот – што треба да исфрлите веднаш?

Големото пролетно чистење на домот обично значи исфрлање на стара облека, замена на зимската облека со летни работи во плакарите, вакуумирање на непотребните, или чистење на домот, бањата, фрижидерот и перење завеси и прозорци. Сепак, никогаш не би помислиле дека оваа чистка мора првенствено да вклучува клучни парчиња на кои, кога ќе размислите за тоа, рокот на тарење им истекол можеби и пред неколку години.

Според советите на домаќинките, ако навистина сакате да ги отстраните сите работи на кои скоро сигурно им помимал рокот на траење, заборавете на фрижидерот и префрлете се во другиот дел од куќата.

Првото парче по кое треба да посегнете се перниците, украсни или обични. Ако сакате да проверите дали им поминал рокот, свиткајте ги. Ако веднаш се вратат во првобитната форма, тие можат да останат во вашиот дом затоа што сè уште се во рокот на траење. Во спротивно, време е за замена.

Истото важи и за душекот. Душекот прво ја губи еластичноста, поради што спиеме лошо, а покрај тоа, тој собира прашина и грини во големи количини. Во тој поглед, време е за нов душек. Првиот знак дека му истекол рокот на траење е да не се сеќавате кога сте го купиле, но знаете дека поминале најмалку десет години.

Производи за чистење.

Производите што ги користите за чистење на вашата куќа обично имаат рок на траење од две години, па затоа би било крајно време да видите што имате под мијалникот во кујната или во плакарот во бањата и да направите чистка.