90 проценти од Јапонците немаат кревет во спалната соба
Дали знаете дека е сосема нормално да спиете на под во Јапонија, како и дека во јапонските спални честопати нема кревети?
Постојат многу причини зошто Јапонците избираат да спијат на под, а некои од нив имаат неверојатни здравствени ефекти.
Јапонците тврдат дека спиењето на под помага при следниве 4 работи:
- Ги ублажува или елиминира болките во грбот
Спиењето на тврда, рамна површина е одлично за грбот и наводно може да ви помогне да се ослободите дури и од долгогодишна болка. Спиењето на мек душек, од друга страна, може да предизвика болки во грбот со текот на времето, бидејќи додека тоне душекот, ‘рбетот се витка. Спиењето на тврда подлога помага да се спречи ова искривување на ‘рбетот во сон и да се одржи во природна, рамна положба.
- Може да го подобри држењето на телото
Ако спиете во правилна положба и ‘рбетот има добра, цврста поддршка, ќе ви биде полесно да го држите грбот исправен во текот на денот. Кога грбот не боли, нема нагон да се свитка напред.
- Може да ја подобри циркулацијата
Кога спиете на под, циркулацијата се подобрува бидејќи тежината е рамномерно распоредена насекаде и има помал притисок врз одредени делови од телото. Покрај тоа, спиењето во природна положба спречува и вкочанетост и чувство на пецкање предизвикано од слаба циркулација.
- Полесно ќе се разбудите
За многумина е тешко да излезат од топлиот кревет кога ќе заѕвони алармот, па затоа станувањето го одложуваат неколку пати. Но, кога спиете на под, имате квалитетен сон, па будењето ќе ви биде полесно и денот ќе ви е полн со енергија.
Кој треба да избегнува спиење на под?
Подот е најтврда површина за спиење. Иако има многу придобивки, постојат групи на луѓе на кои не им се препорачува:
Луѓе кои страдаат од алергии
На подот има прашина и нечистотија, така што луѓето кои страдаат од алергии можат да почувствуваат зголемена кашлица и течење на носот.
Луѓе со коскени заболувања
Во овој случај, спиењето на тврда подлога има повеќе штета отколку добро затоа што создава поголем притисок врз зглобовите.
Постари луѓе
Подвижноста се намалува со возраста, па затоа на постарите луѓе може да им биде тешко да седнат и да станат од подот.
Зимурливи луѓе
Ако постојано ви е ладно, дури и додека спиете, на под ќе ви биде уште поладно.
