Корисни совети за отстранување на маснотите од стомакот

Отстранувањето на маснотиите од стомакот е секогаш најтешка, но не и невозможна задача.

Масните наслаги на стомакот ги покриваат и внатрешните органи што го отежнува намалувањето и отстранувањето. Научно е докажано дека маснотиите на стомакот претставуваат поголем ризик за здравјето на човекот, во однос на маснотиите на колковите и бутовите, бидејќи играат улога во инсулинската резистенција што го зголемува ризикот од дијабетес и предизвикува срцеви заболувања.

Сепак, борбата против маснотиите на стомакот може да биде релативно лесна и ефикасна.

Важно е да го зголемите внесот на влакна бидејќи тие ја намалуваат гладта и помагаат во намалувањето на маснотиите на стомакот.

Пробиотиците го подобруваат варењето и содржат живи бактерии кои влијаат на согорувањето на маснотиите на стомакот.

Намалете го внесот на алкохол бидејќи повеќето алкохолни пијалоци содржат шеќер, а тоа брзо може да доведе до зголемување на телесната тежина и акумулација на маснотии во пределот на стомакот.

Ако сакате да изгубите килограми и да се ослободите од масните маслаги во пределот на половината, наместо грицки јадете свежо бобесто овошје.

Спиењето е исклучително важно. Доколку не спиете доволно, нивото на коризол ќе се зголеми, а со тоа и чувството на глад и потребата за калорична храна. Затоа, важно е да спиете доволно секој ден.

Намалете го внесот на шеќер, бидејќи дополнителниот шеќер во храната го зголемува нивото на инсулин, а тоа му „сигнализира“ на телото да складира маснотии.