По драма и продолженија Јувентус испадна од Лигата на шампионите

Јувентус е елиминиран во осминафиналето од Лигата на шампионите. Порто беше подобар на двата натпревари. По победата од 2-1 на првиот натпревар, Порто издржа на продолженијата во Торино и иако загуби со 3-2, поради повеќе голови постигнати на гости мина меѓу најдобрите осум во Европа.

Порто поведе во 19-та минута со голот на Серхио Оливеира од пенал, но Јуве го сврте резултатот, со двата гола на Федерико Киеза (49, 63). Бидејќи немаше повеќе голови, натпреварот влезе во продолженија, а моментот на одлука се случи во 115-та минута кога Оливеира го постигна својот втор гол за 2:2. Само две минути подоцна Адријан Рабиот го врати Јувентус во водство, но тоа не беше доволно. Да додадеме дека португалскиот тим играше со играч помалку во 55-та минута откако беше исклучен Мехди Тареми.

Враќањето во Торино требаше да биде пресвртна точка за Старата дама. Јуве е само трет во Серија А со 10 бода помалку од Интер и бараше спас на сезоната во Лигата на шампионите. Сепак, откако испадна од Порто, тренерот Андреа Пирло може многу лесно да добие отказ. Јувентус минатата година исто така беше елиминиран во осминафиналето од Лион, додека Порто последен пат се најде во четврт-финалето пред две сезони.