Најавена втората сезона на хит серијата „Lupin“

Само два месеци по објавувањето на првата сезона од популарната серија Lupin, Netrflix го објави својот прв тизер најавувајќи ја втората сезона што доаѓа ова лето.

Серијата е инспирирана од култната француска книга за Арсен Лупин, од Maurice Leblanc од 1905 година.

Првата сезона е полна со пресврти и ја следи приказната за главниот лик Асан, кој се обидува да се одмазди за својот татко, кој пред повеќе од 20 години е обвинет за злосторство што не го сторил, и се претставува како модерна верзија на Лупин.

Netflix објави дека втората сезона ќе пристигне ова лето, но без точен датум на објавување.

Серијата во рок од четири недели од објавувањето ја погледнаа повеќе од 70 милиони претплатени корисници на Netflix, што беше дополнителна причина продолжението да се објави што е можно побрзо.