КОВИД ВЕСТИ: Спутник стигна во Македонија, во Англија училиштата повторно работат

Досега, над 67,7 милиони луѓе биле заразени во светот, а околу 1,54 милиони починале.

 

Според податоците на Универзитетот Џон Хопкинс, се опоравиле 43,6 милиони луѓе.

 

Во САД досега се заразиле најмногу луѓе – повеќе од 15 милиони.

 

На второ место според бројот на заразени е Индија со 9,7 милиони случаи и Бразил со 6,6 милиони, додека во Русија тој број надмина 2,5 милиони.

 

Спутник V пристигна во С. Македонија

Првата пратка од 3.000 дози на руската вакцина „Спутник V“ пристигна во Македонија.

 

Училиштата повторно отворени во Англија 

Во Англија денес, учениците се вратија на училиште, првпат од јануари, како дел од ублажувањето на рестриктивните мерки, сето тоа благодарение на масовната вакцинација против ковид, објави Гардијан.

 

Во Бразил најмногу инфицирани досега

Во изминатите 24 часа, Бразил регистрираше најмногу новозаразени со коронавирусот во последните два месеци. Бразилското Министерство за здравство објави дека се потврдени нови 80.508 случаи на Ковид-19, што е најголемо дневно зголемување на бројот на пациенти од 7 јануари, според CNN.

 

Нов Зеланд: „Само Фајзер, се откажуваме од други вакцини“

Нов Зеланд ќе ги користи само вакцините на Фајзер за да го имунизира своето население против коронавирусот, откажувајќи се од претходните планови за употреба на четири различни вакцини, изјави денеска премиерката.

 

„Вакцинацијата не е причина за смртта“

Јужна Кореја денес објави дека не најдена врска помеѓу вакцинацијата против ковид и неколку смртни случаи, објави Ројтерс.

 

„Не го препорачуваме Спутник V“

Високата службеничка на Европската агенција за лекови, Криста Виртумер-Хохе, апелираше до членките на Европската унија да не ја одобруваат употребата на руската вакцина Спутник V за итна употреба, сè додека агенцијата не ги испита целосно нејзината безбедност и ефикасност, објави Гардијан.

 

Фон Дер Лајен: Од април, 100 милиони дози вакцини месечно за ЕУ

Претседателката на Европската комисија Урсула фон Дер Лајан изјави дека од следниот месец, европскиот блок ќе добие значително повеќе вакцини против корона вирусот отколку порано.

 

Словенија „се отвора“ седум дена

Од денес, кафулињата и рестораните во два региона, во Посавје и на југоисток од Словенија, ќе можат да работат нормално во пробен период што ќе трае седум дена.

 

Започна вакцинацијата во Црна Гора

Започнува вакцинацијата на населението во Црна Гора. Здравствениот дом во Подгорица денеска ќе започне со вакцинација против корона вирусот.