Дали знаете на кој датум првично бил прославуван Денот на жената?

На 8 март 1857 година, работници во фабрика за текстил штрајкувале во Њујорк, барајќи подобри услови за работа. Истиот ден, на истото место само 51 година подоцна, жените повторно одржале штрајк. Работничките биле заклучени во фабрика од која не можеле да излезат, а потоа избувнал пожар. За жал, во пожарот изгореле 129 жени. Една година подоцна, во Њујорк, на денот на сеќавање на жртвите од пожарот, бил одбележан 8 март – Денот на жената.

Во 1910 година била организирана првата меѓународна конференција на жени, која се одржла во Копенхаген, во организација на Социјалистичката интернационала. На Втората конференција било договорено еден ден во март да биде прогласен за Ден на борбата на жените за своите права. Така, 19 март бил прогласен за прв Меѓународен ден на жената, а не за 8 март.

Имено, тогаш жените од Германија, Данска, Австрија, Швајцарија и Америка побараа право на глас. Во Германија, Клара Цеткин изнесе милион жени на улица. Во 1912 година, жени од Франција исто така побараа да добијат право на глас, а потоа и жените во Холандија, а една година подоцна и жените од Шведска и Русија.

Во 1818 година, правото на жените да гласаат и да бидат избрани за прв пат беше воведено во Германија. Тоа беше првиот голем успех.

На Втората меѓународна конференција на жени во Москва во 1921 година беше одлучено 8 март во светот да се прогласи за Ден на жената. Потоа, на 8 март, се евоцираат спомени од нивната долгорочна борба, а најголеми успеси им се: воведување на осумчасовно работно време, изедначување на платите за мажи и жени, но и заштита на жени со деца и воведување на породилно отсуство.