Што прво ќе направиме кога ќе помине пандемијата?
Не можеме да го дочекаме денот кога на вести ќе биде објавено дека заврши пандемијата.
Тој ден понекогаш се чини толку далечен што почнуваме да се сомневаме дека некогаш ќе дојде. Веќе една година живееме под секакви ограничувања. На сите ни е преку глава.
Ограничено движење, забрана за излегување, намалено дружење и задолжително носење маски. Кога повторно ќе бидеме слободни и ќе го живееме животот што го знаевме пред да започне пандемијата?
Додека не добиеме одговор на ова прашање, дали сте размислувале што прво ќе направите кога ќе помине пандемијата?
- Одете на добра забава
Излегувањето и забавата можат да бидат прво на списокот со приоритети, барем кога станува збор за младите. На сите ни недостасува музика, друштво и добра забава и многумина фантазираат за денот кога ќе се отворат клубовите.
- Патувајте некаде
Веруваме дека не постои личност која не размислувала за тоа колку и недостасува патувањето и како би сакала да избега некаде од целата оваа ситуација.
Затоа многумина прво ќе ги земат своите пасоши и ќе се упатат кон границата или аеродромот кога на вестите ќе слушнеме дека сè е готово. Дестинацијата не е толку важна колку радоста од истражување нови места и фактот дека конечно одите некаде.
- Гушкање на лушето кои не сте ги виделе долго време
Колку долго не сме ги виделе нашите баби и дедовци и не сме ги гушнале силно без да се плашиме дека ќе им го пренесеме вирусот? Верувам дека првиот ден по пандемијата, сите ќе трчаме кај нашите најблиски и ќе ги прегрнеме за сите оние денови кога тоа ни беше забрането.
- Враќање во канцеларија
Можеби нема да трчаме во канцеларија со толку жар како што ќе трчаме да се сретнеме со членовите на семејството што не сме ги виделе долго време, но факт е дека на многумина од нас сè уште им недостасува работната околина, канцеларијата и соработниците.
Крајот на пандемијата ќе значи враќање во „нормалното“ и сите повторно ќе бидеме на своите работни места.
- Конечно ќе ја фрлиме маската
На првиот ден по пандемијата, сите ние со задоволство ќе ги фрлиме сите маски за лице, средства за дезинфекција и другата задолжителна опрема што ни требаше за време на пандемијата.
Невнимателно ќе седнеме во омиленото кафуле, ќе уживаме во слободата на движење и можеби конечно ќе започнеме да ги цениме сите оние „ситни“ работи во животот што ги земавме здраво за готово.
