Што и прави короната на нашата психа: Какви луѓе стануваме?

Периодот на пандемијата влијаеше на сите нас. Социјализација речиси и да нема. Почнавме да живееме во виртуелен свет. А, и во реалниот свет, често сме многу осамени. Ќе заборавиме што значат допирите и прегратките што толку очајно ни требаат.

 

Лишени сме од задоволствата што многумина од нас ги уживаа – дружење, одење во кафулиња и барови, како и патувања. Нашата животна енергија падна. Честопати дури и немаме волја да станеме од кревет.

 

Ние сме сами со нашите мисли. И на човекот ништо не му е потешко отколку да се соочи со самиот себе – со неговите внатрешни демони. Треба тоа да го издржите!

 

Влијание врз психата

 

Сето ова секако имаше негативно влијание врз човечката психа. Ова може да се види насекаде околу нас – каде и да се свртиме. На пазарите, луѓето немаат трпеливост да чекаат на ред. Тие се расправаат со продавачите. Кавги и конфликти често избиваат во автобусите. Луѓето кои инаку беа смирени и флегматични, станаа нервозни и нетрпеливи. Што се случува со нас?

 

Само слушаме кој починал, а повеќе не слушаме кој се оженил или верил. Секаде е црно. Оптимизмот е изгубен. Кога последен пат видовте како некој се смее од срце? Кога слушнавте дека некому му се случува нешто убаво?

 

Како да се издигнете над сето ова? Како да се види светлината во мракот? Како да ја одржите силата кога сè околу вас се распаѓа?

 

Факт е дека во моментот, ништо не е како порано, но важно е да се верува дека ќе биде повторно. Повторно безгрижно ќе се смееме. Повторно ќе се дружиме. Ништо не ни е одземено трајно. Не треба да губиме верба!

Што можеме да сториме?

 

И сега сигурно можеме да најдеме некои мали задоволства и да ги практикуваме што почесто. Дали сакате да читате? Дружете се со книгата што е можно почесто. Дали обожавате да гледате серии и филмови? Уживајте во тоа. Размислете што ве инспирира, мотивира, радува, исполнува, ве смирува и тоа практикувајте го. Помогнете си себеси!

 

Ситуацијата не е лесна, но од нас зависи како ќе се справиме со тоа. Дали ќе се бориме? Дали ќе се грижиме за нашето ментално здравје?