Објавен е трејлер за новиот филм со суперхерои

Објавен е трејлер за новиот филм „Thunder Force“, во режија на Бен Фалконе, а главните улоги ги толкуваат Мелиса Мекарти и Октавија Спенсер.

„Thunder Force“ е комедија за најдобрите другарки кои стануваат суперхероини.

Трејлерот открива како Лидија (Мелиса Мекарти) повторно се сретнува со својата најдобра другарка од детството Емили (Октавија Спенсер), успешен научник која создала технологија која на обичните луѓе им дава супермоќи.

Лидија случајно ја зема формулата која и дава супермоќи, ненамерно создавајќи го првиот „тим на суперхерои“. Кога ќе се појави нов негативец познат како „Крал“, другарките се здружуваат за да го спасат градот.