Не, Илон Маск не е мртов!

Деновиве на социјалните мрежи кружи невкусна шега – некои корисници пишуваат дека Илон Маск починал.

Ајде прво да кажеме прилично очигледна работа – Илон Маск е жив.

Сега, кога го решивме тоа, ајде да разјасниме малку за што точно станува збор. Од некоја непозната причина, корисниците на Твитер споделуваат објави за тоа како основачот на Tesla и SpaceX, наводно, е мртов, со сите хаштагови „#RIPElon“.

Првиот „трол“ кој го објави ова, објави лажен скриншот кој изгледаше како наслов од странски портал „Илон Маск почина на 49-годишна возраст по експлозијата на батерија на Тесла“.

Многумина започнаа да споделуваат слични работи, како што се, на пример, лажни анализи за тоа што ќе се случи со акциите на Тесла, наводните соопштенија на неговиот ПР тим или наводните соопштенија на неговата сопруга (секако фотошопирани и невистинити).

Не е познато зошто лагата се прошири на Интернет, но секако е лудо. Тесла, патем, доживеа пад на цените на акциите оваа недела – но причината за тоа секако не е таа што е наведена.