Карактеристики што децата почесто ги наследуваат од татковците

Кога го очекувате раѓањето на своето дете, замислувате како ќе оди, ќе зборува или како ќе изгледа. За среќа, науката може да даде одговори на многу од овие прашања. Постојат одредени карактеристики што децата ги наследуваат од своите татковци.

 

Изглед

 

Во однос на изгледот, детето наследува 60 проценти од гените на таткото, во споредба со 40 проценти од мајчините. Ова значи дека детето може да наследи некои забележливи карактеристики од таткото.

 

Висина

 

Физичкиот изглед е главно резултат на гените на таткото. Ако таткото е висок, голема е веројатноста и детето да биде. Децата кои имаат ниски мајки и високи татковци се почесто високи.

 

Заби

 

Структурата на забите е претежно наследена од таткото. Ако таткото има квалитетни, силни заби кои ретко се расипуваат, големи се шансите и детето да има такви.

 

Прсти

 

Не е невообичаено татковците и децата да имаат слични прсти, особено прстите на нозете.

 

Рацете

 

Ако таткото пишува со десна рака, а мајката со лева и обратно, детето најчесто ја наследува карактеристиката на неговиот татко.

Дупки во образите

 

Заљубени сте во дупчињата што се појавуваат во образите на вашиот партнер кога тој се насмевнува? Има големи шанси и вашето дете да ги има.

 

Полни усни

 

Бебињата често имаат полни усни, кои со текот на времето можат да станат потенки. Ова се смета за доминантна одлика што децата ја наследуваат почесто од татковците.