Рафаел Надал страда од мистериозна болест

Бидејќи честопати имаше повреди во текот на целата своја кариера што му правеа сериозни проблеми, шпанските медиуми презентираа досега непознати детали за поранешниот најдобар тенисер во светот.

Рафаел Надал, според шпанските медиуми, страда од Милер-Вајсова болест, која сè уште на лекарите не им е многу позната. Оваа болест, главно ги напаѓа коските на стапалата, односно централниот дел на тој дел од телото, што предизвикува многу силна болка при ненадејни движења.

Како што се наведува, Надал дознал за оваа болест уште во 2005 година, бидејќи лекарите ги поврзале неговите повреди од тој период со неа. Исто така е познато дека Рафа често има проблеми со колената како резултат на оваа мистериозна болест, но има и одредени проблеми со стапалата. Хируршка интервенција се изведува само кога конзервативниот метод на лекување не покажува резултати.

– Тешко е да се заклучи дека се работи за оваа болест кога е во рана фаза. Лекарите се  сигурни само кога таа напредува. Болката се појавува во средишниот и задниот дел на стапалото, тие делови отекуваат, а болката потоа се пренесува нагоре, преку глуждот до коленото. Додека пациентот оди или трча, ситуацијата се влошува – објаснија лекарите за шпанските медиуми.