„Мојата најголема грижа беше повторување на историјата“: Принцот Хари и ја отвори душата на Опра

Долго најавуваното интервју меѓу Меган Маркл и принцот Хари со најпопуларната водителка ќе се емитува во понеделник, пренесуваат странските медиуми.

Војводата и војвотката од Сасекс се очекува да откријат некои „прилично шокантни работи“. Објавените клипови како делови од интервјуто сугерираат дека ништо нема да биде „забранета“ тема во ова интервју.

Веста за големото интервју дојде откако парот објави дека очекуваат уште едно бебе и откако Бакингемската палата потврди дека Меган и Хари нема да се вратат како постар кралски пар.

Во деловите што можеме да ги видиме, принцот Хари вели дека чувствува олеснување затоа што има жена покрај себе. Војводата од Сасекс изјави дека е загрижен дека историјата се повторува, пред да одлучи да се повлече од кралското семејство со цел да се заштити себе си и семејството од „токсичната“ средина создадена од британскиот печат. Потоа се осврна на заминувањето на неговата мајка од кралското семејство пред три децении, нагласувајќи дека не може ни да замисли како и било, кога низ сето тоа поминувала сама.

Според најавите во медиумите, парот во интервјуто ќе зборува и за преселбата во САД минатата година и за своите планови за во иднина.