Kristen Stewart како принцеза Дијана: Нови фотографии од снимањето на „Spencer“
Трансформацијата на Kristen Stewart во принцезата Дијана е во полн ек. Актерката неодамна беше фотографирана на снимањето на својот нов филм „Spencer“, во кој ја толкува улогата на покојната принцеза.
Во карирана јакна со златни копчиња и црно здолниште, актерката се подготвуваше за снимањето, и се криеше зад големите очила за сонце. Со идентична фризура, таа наликува на принцезата Дијана.
Дијана е видена неколку пати како носи слично парче, дизајнирано од Кетрин Вокер, вклујувајќи ја и посетата на Хемпшир во 1989 година.
Филмот на режисерот Pablo Larrain ќе се фокусира на контроверзниот викенд во Сендрингам кога наводно Дијана донела една од клучните одлуки за нејзиниот брак.
„Spencer“ ќе биде првиот филм за животот на членовите на британското кралско семејство по серијата „Crown“, за која експертите, политичарите и семејните пријатели на кралското семејство рекоа дека ја извртува вистината.
Премиерата на филмот треба да биде оваа есен, но точниот датум сè уште не е објавен.
